jeudi, février 07, 2008

البلوغوما واعرة



سلام
بيني وبينكم هاذ البلوغوما ولات خطار
غير الله يحفظ راه نهار غادي اعيقو بينا غادي يتجمعو فالبرلمان ويخرجو شي قانون غادي يفرض على الواحد قبل ما يحل بلوغ ايجيب شهادة السكنى وشهادة الحياة والبحث ديال المقدم
نهار السبت لي فات دجمعو ٦٠٠ بلوغور او بلوغورة بمناسبة اول جوائز البلوغوما
هاذي واحد ثلث سنين فالرباط كنا غير شي عشرين
المهم شي وحيدين مشاو وشي واحدين جاو
ولكن المهم ان البلوغوما غادة مزيان
منين تا توقع شي حاجة فالبلاد تا نحيحو او تانغوتو
هدرو علينا الجرائد والتلفزات وحتى سي ان ان والجزيرة
المهم بلوزمان فاز فجائزة احسن بلوغ موسيقي بنيني وبينكم انا ما عرفش هاذ البلوغ ديالي فين غادي نصنفوه تا يبان لي ما عندو لا ساس لاراس
المهم انا تانتقاسم الجائزة مع صاحبي لي عزيز عليا بزاف لوميت
او تنشكر الناس ديال اكادير لي شرفو على المسابقة بلا ما ننسى اسامة
الظروف ما سمحاتش ليا باش نحضر للحفلة ولكن تشرفت وتلاقيت ببلوغورة جداد بحال
لهبيلة ديالة المغربية مقطعة ماعندها عقل
سابا هذه مغربية تتعرف الفرنسية والاسبانية والانجليزية ولكن ماتتعرف الدارجة مزيان
مروكية لي فازت بجائزة احسن بلوغورة بالعربية ولي مسكينة تصدمات تخيلات بلا عند عشرين عام ولكن تفاجأة انني تنعقل على جد النمل او تلاقيت مع خوها لي تا يشبه لتشي جيفارا ولكن هو عزيز عليه كاسترو
بلا ما ننسى زعزوعة بنت فضالة
كانت معانا المراكشية الله يعمرها دار
او بطبيعة الحال كان اللقاء مناسبة شفت فيها شي كمامر قدام بحال الطاهر او عثمان
نهار الثلاثاء لي داز تاحت لي الفرصة باش نشوف مرة اخرى المغربية او سابا وشفت كذلك ايوب كينغستون او ولد عمتي ولد لبلاد لي خلص عليا واحد البيتزة واعرة
وشكرا لايوب لي خلاني نكتشف مزيان دجون ماير

13 commentaires:

H-F-blady a dit…

Salam ;)

Daba nta alli katfaya9houm 3lina :D
lmohem rah mnin kantou kathadrou 3la siyassa ana kant sakta :P walaken rah kulchi moossawar ;)

asidi mabrouk leek o leena o allah yla9eena falkhir :P

SABA a dit…

yallah!! ana makan3refch ndwi bdarija :S 7it mafhmetch waaaaa7ed lexpression galtha fati la marocaine?(whia khtissassia fles expressions dial 9a3 lkhabia!!)

iwa dolm hada!!!


7tiramati n3am a'sidi!

Saba ;)

Anima a dit…

mchiti tla9itihom blama ta3rad 3lia

iwa dirha fine tjik a bou9al

B2 a dit…

matgoule pizza ... rak ghadi tjibe lina jou3 :D
Ollah ila kane nhare kbire mli chfnak 3awtani f l blogmeeting ^^

gnawi a dit…

سلام بلوزمان
أتظن أن أعين المخزن كانت بعيدة أو نائمة عنكم؟
الجواب أكيد لا آبا البلوزمان
من ناحية أخرى أحب أن أهنئ جميع الفائزين بجوائز التدوين بشتى أصنافه وحسب رأيي الشخصي عزيزي البلوزمان أعتبر كل الحاضرين في الحفل فائزين وأكبر جائزة هي التواصل والتعارف بين المدونين كما أعتبر أن الخاسر الأكبر هم نحن بصفتنا غائبين عن حفلكم وأتمنى للجميع المزيد من التألق والنجاح

go-google a dit…

hetta nta rak wa3er

O.B a dit…

merci à toi si Bluesman et pour tout ce que tu fais, hada chraf kbir et mebrok lja2ija lmotawadi3a !
tu devrais écrire un sketch sur les blogs.
A+

Hanaa a dit…

félicitation!!..

Mohamed El Kortbi a dit…

3tini Hakki Rah Sawwet 3lik Jouj merrate !!! merra men addar we merra oukhra men l'bureau ! hahahaha

marrokia a dit…

هههههههه
قتلتيني بالضحك
ولكن بالمعقول أ أستاذي راه تفاجأت ملي شفتك , وكيفما تفاجأتي تا نتا
هههههههه
مبروك عليك وألف مبروك
وتبارك الله على الناس ديال أكادير ودرب المشاوري
ههههههههههه

мσнη∂ιš a dit…

إيه يا آ عمي راك عاطي
ألف مبروك آ سيدي و الله العطيم كنت باغي نجي ساعة ماكتابش، يالله حتى تعرض عليا نتا المرة الجايةو الله يجيب لينا حتا حنا شي بيتزا فين نغبرو جوعنا

une marocaine a dit…

yak daba ana me9ete3a o ma3emedi 3e9el iwa a sidi je te dirai o biiiiiiiiiiikhir ;) :)))))))))))))))))

Ce fut un enorme plaisir de t avoir rencontre toi et tous les autres amis blogueurs. O sire rani radeya 3elik :))

Au plaisir d une autre rencontre :)

BLUESMAN a dit…

سلام
بلادي: حتى انا والله حتى كنت ساكت
سابا: اولا انت ما تاتعرفيش العربية
ثانية: ما تنحملكش
انيما: انتي جيت الكازا بلا ماتعلميني
بي تو: تبارك الله عليكم
كناوي: كلامك منطقي وصحيح المهم هو اللقاء
واتمنى ان نقلاك قريبا
غو غوغل: الله يرحم الوالدين
اسامة: راني درت معاك فالطة اليوم
هناء: شكرا
محمد: الله ايحفظك كنت اتمنى لقاءك
مروكية: انا والله ما استاذ
المهندس: وقت ما ساليتي انا موجود
مغربية:راني راضي عليك